Genesis 10— NO1938N

¹Dette er dei ættene som hev kome frå sønene hans Noah, Sem og Kam og Jafet: Dei fekk søner etter storflodi hadde vore.

²Sønene hans Jafet var Gomer og Magog og Madai og Javan og Tubal og Mesek og Tiras.

³Sønene hans Gomer var Askenas og Rifat og Togarma.

⁴Sønene hans Javan var Elisa og Tarsis, og Kittim og Dodanim.

⁵Frå dei hev folki på heidningstrendene greina seg ut i landi sine, kvart med sitt tungemål, etter sine ætter, i sine folkeslag.

⁶Sønene hans Kam var Kus og Misra'im og Put og Kana'an.

⁷Sønene hans Kus var Seba og Havila og Sabta og Raema og Sabteka, og sønene hans Raema var Sjeba og Dedan.

⁸Kus fekk sonen Nimrod. Han var den fyrste som fekk stort velde på jordi.

⁹Han var ein veldig veidemann i Herrens augo. Difor segjer folk: Ein veldig veidemann i Herrens augo, som Nimrod.

¹⁰Fyrst rådde han yver Babel og Erek og Akkad og Kalne i Sinearlandet.

¹¹Frå det landet for han til Assur, og bygde Ninive og Rehobot-Ir og Kalah

¹²og Resen millom Ninive og Kalah; dette er Storstaden.

¹³Misra'im vart far til ludarane og anamarane og lehabarane og naftuharane,

¹⁴og patrusarane og kasluharane, dei som filistarane hev kome frå, og kaftorarane.

¹⁵Kana'an vart far til Sidon - det var den fyrste sonen hans - og til Het

¹⁶og til jebusitane og amoritane og girgasitane

¹⁷og hevitane og arkitane og sinitane,

¹⁸og arvaditane og semaritane og hamatitane. Sidan breidde kana'anitarættene seg vidare ut.

¹⁹Og landskilet åt kana'anitane gjekk frå Sidon til Gasa, når ein tek leidi burtimot Gerar, og til Lesa, når ein tek leidi burtimot Sodoma og Gomorra og Adma og Sebo'im.

²⁰Dette var Kams-borni, etter sine ætter, med sine tungemål, i sine land og folkeslag.

²¹Og Sem, eldste bror hans Jafet, han fekk og born; han er det som alle Ebers-borni er ætta frå.

²²Og sønene hans Sem var Elam og Assur og Arpaksad og Lud og Aram.

²³Og sønene hans Aram var Us og Hul og Geter og Mas.

²⁴Og Arpaksad fekk sonen Salah, og Salah fekk sonen Eber.

²⁵Og Eber fekk tvo søner. Den eine heitte Peleg; for i hans dagar vart menneski spreidde utyver jordi. Og bror hans heitte Joktan.

²⁶Og Joktan vart far til Almodad og Salef og Hasarmavet og Jarah

²⁷og Hadoram og Usal og Dikla

²⁸og Obal og Abimael og Sjeba

²⁹og Ofir og Havila og Jobab; alle desse var sønene hans Joktan.

³⁰Og dei budde i Austfjellet, frå Mesa og burtimot Sefar.

³¹Dette var Sems-borni, etter sine ætter, med sine tungemål, i sine land, i sine folkeslag.

³²Dette var dei ættene som hev kome frå sønene hans Noah, etter sine ættegreiner, i sine folkeslag. Og frå dei hev folkeslagi greina seg ut yver jordi etter storflodi.