2 Kings 12— 2006

¹Јоас беше на седум години, кога стана цар.

²Тој стана цар во седмата година од владеењето на Јуј и царуваше во Еру­салим четириесет години. Мајка му се викаше Цивија, од Вирсавија.

³А Јоас го правеше она што беше правилно пред очите на Господ во сите денови додека го поучуваше свеш­теникот Јодај;

⁴само идолските светилишта не беа урнати; народот уште принесуваше жртви и кадеше по тие светилишта.

⁵Јоас им кажа на свештениците: „Си­те пари од посветените дарови што се донесуваат во домот Господов, парите кои некому му се наметнати со процена, и парите што некои по сопствена волја ги принесуваат во домот Господов;“

⁶„Свештениците нека ги приберат, секој од својот познат, и со нив нека го поправат расипаното во храмот, насека­де, каде што ќе се најде оштетено.“

⁷Но бидејќи до дваесет и третата го­дина на царот Јоас свештениците не ги поправаа расипаните работи во храмот,

⁸царот Јоас го повика тогаш свеш­теникот Јодај и свештениците и им рече: „Зошто не ги поправате расипа­ните работи во храмот? Отсега нема веќе да прибирате пари од своите познати, туку ќе ги оставате за поправка на храмот.“

⁹И свештениците се согласија да не прибираат веќе кај себе пари од народот за поправки во храмот.

¹⁰Тогаш свештеникот Јодај зеде едно ковчеже, му направи одозгора отвор и го стави до жртвеникот десно, каде што влегуваа во домот Господов. И свеш­тениците што стоеја на стража кај вра­тата, ги пуштаа таму сите пари што се внесуваа во домот Господов.

¹¹И кога ќе видеа дека има многу пари во ковчежето, доаѓаше царскиот писар и првосвештеникот и ги врзуваа во торби и ги пребројуваа парите што се наоѓаа во домот Господов,

¹²а преброените пари ги предаваа во рацете на определените за надзорници на домот Господов, и тие им плаќаа на дрводелците што работеа во домот Господов,

¹³и на ѕидарите, и на каменоделците, и за купување дрва и делкани камења, за поправки во домот Гос­подов, и за сѐ што се трошеше за одржување на храмот.

¹⁴Но за домот Господов не беа направени ни сребрени чинии, ни штип­ки, ни котлиња за росење, ни труби — никакви златни садови, и сребрени са­дови не беа направени од парите што се внесуваа во домот Господов,

¹⁵туку ги предаваа на надзорниците и тие го поправаа со нив домот Господов.

¹⁶И не бараа сметка од оние, на кои им ги доверуваа парите за плаќање на работниците, зашто тие постапуваа чесно.

¹⁷Парите од жртвите за вина и пари­те од жртвите за грев не се внесуваа во домот Господов: тоа беше за свеш­тениците.

¹⁸Тогаш царот на Арам Азаил тргна во поход, отиде да војува против Гет, и го презеде; а потоа Азаил намисли да оди против Ерусалим.

¹⁹Но јудејскиот цар Јоас го зеде сето жртвувано што го беа жртвувале на храмот неговите предци, јудејските цареви Јосафат, Јорам и Охозија, и што самиот го беше жртвувал, и сето злато, најдено во ризниците на домот Госпо­дов и на царскиот дом, и му го испрати на арамејскиот цар Азаил; тој тогаш го напушти Ерусалим.

²⁰Другото за Јоас и за сѐ што тој из­вршил, е опишано во летописите на јудејските цареви.

²¹И се побунија слугите негови, на­правија заговор и го убија Јоас во Бет-Мило, на патот за Сила.

²²Го убија слугите негови: Јозавад, синот на Шимат, и Јехозавад, синот на Шомер, и тој умре, и го погребаа кај неговите предци во Давидовиот град. На негово место стана цар неговиот син Амасија.