Joshua 12— WARMB

¹Ասոնք են այն թագաւորները, որոնք Իսրայէլի որդիները զարկին ու անոնց երկիրները առին, Յորդանանի անդիի կողմը դէպի արեւելք, Առնոն ձորէն մինչեւ Հերմոն լեռը՝ արեւելեան կողմին բոլոր դաշտովը,

²Եսեբոնի մէջ բնակող Ամօրհացիներուն Սեհոն թագաւորը, որ կը տիրէր Առնոն ձորին եզերքը եղող Արոէրէն եւ ձորին մէջտեղէն ու Գաղաադի կէսէն մինչեւ Ամմոնի որդիներուն սահմանը եղած Յաբոկ ձորը

³Նաեւ դաշտին արեւելեան կողմէն մինչեւ Քեներեթի ծովը ու արեւելեան կողմէն Բեթեսիմօթին ճամբան ու հարաւային կողմէն Ասեդովթ-Փասգային տակ՝ մինչեւ դաշտի ծովը, այսինքն մինչեւ Աղի ծովը։

⁴Հսկաներուն մնացորդէն Բասանի Ովգ թագաւորին սահմանը, որ Աստարովթի ու Եդրայիի մէջ կը բնակէր

⁵Եւ կը տիրէր Հերմոն լերանը ու Սելքայի եւ բոլոր Բասանի մինչեւ Գեսուրացիներուն եւ Մաքաթացիներուն սահմանը ու մինչեւ Գաղաադի կէսը, որ Եսեբոնի Սեհոն թագաւորին սահմանն էր։

⁶Ասոնք Տէրոջը ծառան Մովսէսը Իսրայէլի որդիներուն հետ զարկաւ ու ասոնց երկիրները Տէրոջը ծառան Մովսէսը Ռուբէնեաններուն, Գադեաններուն ու Մանասէի կէս ցեղին ժառանգութիւն տուաւ։

⁷Ասոնք են այն թագաւորները, որոնք Յեսու ու Իսրայէլի որդիները զարկին Յորդանանի ասդիի կողմը դէպի արեւմուտք, Լիբանանի հովտին մէջ եղող Բաաղգադէն մինչեւ Քալակ լեռը, որ Սէիր կ’ելլէ։ Յեսու անոնց երկիրները Իսրայէլի ցեղերուն ժառանգութիւն տուաւ իրենց վիճակներուն համեմատ՝

⁸Լեռներուն ու հովիտներուն եւ դաշտերուն մէջ ու լեռներուն ստորոտները եւ անապատը ու հարաւային կողմը բնակող Քետացիները, Ամօրհացիները, Քանանացիները, Փերեզացիները, Խեւացիներն ու Յեբուսացիները,

⁹Երիքովի թագաւորը, Բեթէլի քով եղող Գայիի թագաւորը,

¹⁰Երուսաղէմի թագաւորը, Քեբրոնի թագաւորը,

¹¹Յերիմութի թագաւորը, Լաքիսի թագաւորը,

¹²Էգղոնի թագաւորը, Գազերի թագաւորը,

¹³Դաբիրի թագաւորը, Գադերի թագաւորը,

¹⁴Հօրմայի թագաւորը, Արադի թագաւորը,

¹⁵Լեբնայի թագաւորը, Ոդողոմի թագաւորը,

¹⁶Մակեդայի թագաւորը, Բեթէլի թագաւորը,

¹⁷Թափուայի թագաւորը, Ոփերի թագաւորը,

¹⁸Ափէկի թագաւորը, Լասարօնի թագաւորը,

¹⁹Մադոնի թագաւորը, Հասորի թագաւորը,

²⁰Սամրօն-Մառօնի թագաւորը, Աքսափի թագաւորը,

²¹Թանաքի թագաւորը, Մակեդդովի թագաւորը,

²²Կադէսի թագաւորը, Կարմեղոս եղած Յեկնամի թագաւորը,

²³Դովրի գաւառին մէջ Դովրի թագաւորը, Գաղգաղայի Գոյիմի թագաւորը,

²⁴Թերսայի թագաւորը. բոլորը՝ երեսունըմէկ հոգի էին։