1 Chronicles 6— WARMB

¹Ղեւիին որդիները Գերսոնը, Կահաթն ու Մերարին էին։

²Կահաթին որդիները Ամրամը, Իսահառը, Քեբրոնն ու Ոզիէլն էին։

³Ամրամին որդիները՝ Ահարոնը, Մովսէսն ու Մարիամն էին։ Ահարոնին որդիները՝ Նադաբը, Աբիուդը, Եղիազարն ու Իթամարն էին։

⁴Եղիազար ծնաւ Փենէհէսը ու Փենէհէս ծնաւ Աբիսուան,

⁵Եւ Աբիսուան ծնաւ Բոկկին ու Բոկկին ծնաւ Ոզին

⁶Եւ Ոզին ծնաւ Զարիան, Զարիան ծնաւ Մարիօթը

⁷Ու Մարիօթ ծնաւ Ամարիան եւ Ամարիան ծնաւ Աքիտովբը

⁸Ու Աքիտովբ ծնաւ Սադովկը ու Սադովկը ծնաւ Աքիմաասը

⁹Եւ Աքիմաասը ծնաւ Ազարիան ու Ազարիան ծնաւ Յօհանանը

¹⁰Եւ Յօհանանը ծնաւ Ազարիան. (ասիկա էր որ Սողոմոնին Երուսաղէմ շինած տաճարին մէջ քահանայութիւն ըրաւ)

¹¹Ու Ազարիան ծնաւ Ամարիան եւ Ամարիան ծնաւ Աքիտովբը

¹²Ու Աքիտովբ ծնաւ Սադովկը ու Սադովկը ծնաւ Սեղղումը

¹³Եւ Սեղղումը ծնաւ Քեղկիան ու Քեղկիան ծնաւ Ազարիան

¹⁴Եւ Ազարիան ծնաւ Սարայիան ու Սարայիան ծնաւ Յովսեդեկը։

¹⁵Յովսեդեկը գերի գնաց, երբ Տէրը Յուդան ու Երուսաղէմը Նաբուգոդոնոսորին ձեռքով փոխադրեց։

¹⁶Ղեւիին որդիները՝ Գերսոնը, Կահաթն ու Մերարին էին։

¹⁷Գերսոնին որդիներուն անունները ասոնք էին՝ Ղոբենի ու Սեմէի։

¹⁸Եւ Կահաթին որդիները՝ Ամրամը, Իսահառը, Քեբրոնն ու Ոզիէլն էին։

¹⁹Մերարիին որդիները՝ Մոողին ու Մուսին էին։ Ասոնք են Ղեւտացիներուն տոհմերը իրենց հայրերուն համեմատ։

²⁰Գերսոնին որդիները ՝ անոր որդին Ղոբենի, անոր որդին Յեթ, անոր որդին Զամմա,

²¹Անոր որդին Յովաք, անոր որդին Ադդով, անոր որդին Զարա, անոր որդին Յաթրին էր։

²²Կահաթին որդիները՝ անոր որդին Ամինադաբ, անոր որդին Կորխ, անոր որդին Ասիր,

²³Անոր որդին Եղկանա, անոր որդին Աբիասափ, անոր որդին Ասիր,

²⁴Անոր որդին Թաաթ, անոր որդին Ուրիէլ, անոր որդին Ոզիա ու անոր որդին Սաւուղն էր։

²⁵Եղկանային որդիները՝ Ամեսայի, Աքիմօթ ու Եղկանա էին։

²⁶Եղկանային որդիները՝ անոր որդին Սուփի, անոր որդին Նահաթ,

²⁷Անոր որդին Եղիաբ, անոր որդին Յերոամ, անոր որդին Եղկանան էր։

²⁸Սամուէլին որդիները՝ անոր անդրանիկը Յովէլ ու երկրորդը Աբիան էր։

²⁹Մերարիին որդիները՝ Մոողի, անոր որդին Ղոբենի, անոր որդին Սեմէի, անոր որդին Ոզա,

³⁰Անոր որդին Սամաա, անոր որդին Անգիա, անոր որդին Ասայիան էր։

³¹Ասոնք են, որոնք Դաւիթ երգեցողութեան պաշտօնին վրայ դրաւ Տէրոջը տանը մէջ տապանակին հաստատուելէն յետոյ։

³²Անոնց պաշտօնը վկայութեան խորանին առջեւ օրհնութիւն երգել էր։ Երբ Սողոմոն Երուսաղէմի մէջ Տէրոջը տունը շինեց, անոնք իրենց կարգին համեմատ իրենց պաշտօնին վրայ կը կենային։

³³Իրենց որդիներով կեցողները ասոնք են՝ Կահաթեաններու որդիներէն երգող Եմանը, Յովէլի որդին, որ Սամուէլի որդին,

³⁴Որ Եղկանայի որդին, որ Յերոամի որդին, որ Եզիէլի որդին, որ Թովայի որդին,

³⁵Որ Սուփիի որդին, որ Եղկանայի որդին, որ Մաաթի որդին, որ Ամեսայիի որդին,

³⁶Որ Եղկանայի որդին, որ Յովէլի որդին, որ Ազարիայի որդին, որ Սոփոնիայի որդին,

³⁷Որ Թաաթի որդին, որ Ասիրի որդին, որ Աբիասափի որդին, որ Կորխի որդին,

³⁸Որ Իսահառի որդին, որ Կահաթի որդին, որ Ղեւիի որդին, որ Իսրայէլի որդին էր։

³⁹Եւ անոր աջ կողմը կեցողը իր եղբայրը Ասափն էր ու Ասափ՝ Բարաքիայի որդին, որ Սամաայի որդին,

⁴⁰Որ Միքայէլի որդին, որ Բաասիայի որդին, որ Մեղքիայի որդին,

⁴¹Որ Աթանիի որդին, որ Զարայի որդին, որ Ադայիայի որդին,

⁴²Որ Եթանի որդին, որ Զամմայի որդին, որ Սեմէիի որդին,

⁴³Որ Յեթի որդին, որ Գերսոնի որդին, որ Ղեւիի որդին էր։

⁴⁴Անոնց եղբայրները՝ Մերարիին որդիները, ձախ կողմը կը կենային. Եթան՝ Կիսիային որդին, որ Աբդիի որդին, որ Մալուքի որդին,

⁴⁵Որ Ասաբիայի որդին, որ Ամասիայի որդին, որ Քեղկիայի որդին,

⁴⁶Որ Ամասիի որդին, որ Բանիի որդին, որ Սամերի որդին,

⁴⁷Որ Մոողի որդին, որ Մուսիի որդին, որ Մերարիի որդին, որ Ղեւիի որդին էր։

⁴⁸Ու անոնց եղբայրները՝ Ղեւտացիները, Աստուծոյ տանը խորանին բոլոր ծառայութեանը նուիրուած էին։

⁴⁹Բայց Ահարոն ու անոր որդիները ողջակէզի սեղանին վրայ ողջակէզ ու խունկի սեղանին վրայ խունկ կը մատուցանէին, Սրբութիւն Սրբութեանցին գործը կատարելով ու Իսրայէլի համար քաւութիւն ընելով, այն ամենուն համեմատ, որ Աստուծոյ ծառան Մովսէս պատուիրեր էր։

⁵⁰Ահարոնին որդիները ասոնք էին՝ անոր որդին Եղիազար, անոր որդին Փենէհէս, անոր որդին Աբիսուա,

⁵¹Անոր որդին Բոկկի, անոր որդին Ոզի, անոր որդին Զարիա,

⁵²Անոր որդին Մարիօթ, անոր որդին Ամարիա, անոր որդին Աքիտովբ,

⁵³Անոր որդին Սադովկ, անոր որդին Աքիմաաս։

⁵⁴Կահաթին տոհմին՝ Ահարոնին որդիներուն՝ բնակութիւնները ասոնք էին իրենց գիւղերովը ու իրենց սահմաններովը, քանզի վիճակով այդ ելաւ։

⁵⁵Յուդայի երկրին մէջ Քեբրոնը ու անոր շրջակայ արուարձանները անոնց տուին.

⁵⁶Բայց այն քաղաքին արտերը ու անոր գիւղերը Յեփոնեան Քաղէբին տուին։

⁵⁷Յուդայի քաղաքներէն Ահարոնի որդիներուն Քեբրոնը տուին (որ ապաստանի քաղաք էր,) ու Լեբնան իր արուարձաններովը եւ Յաթիրը ու Եսթեմովը իր արուարձաններովը

⁵⁸Եւ Քիլէնը իր արուարձաններովը ու Դաբիրը իր արուարձաններովը

⁵⁹Եւ Ասանը իր արուարձաններովը ու Բեթսամիւսը իր արուարձաններովը

⁶⁰Եւ Բենիամին ցեղէն Գաբան իր արուարձաններովը ու Գաղեմէթը իր արուարձաններովը եւ Անաթովթը իր արուարձաններովը անոնց տոհմերուն բոլոր քաղաքները տասնըերեք քաղաք էին։

⁶¹Այս ցեղին տոհմերէն մնացած Կահաթին որդիներուն՝ Մանասէին կէս ցեղէն վիճակով տասը քաղաք տրուեցաւ ։

⁶²Գեսրոնի որդիներուն՝ իրենց տոհմերուն համեմատ Իսաքարին ցեղէն, Ասերին ցեղէն ու Նեփթաղիմի ցեղէն ու Բասանի մէջ բնակող Մանասէին ցեղէն տասնըերեք քաղաք տրուեցաւ։

⁶³Մերարիին որդիներուն՝ իրենց տոհմերուն համեմատ Ռուբէնին ցեղէն ու Գադին ցեղէն եւ Զաբուղոնին ցեղէն վիճակով տասներկու քաղաք տրուեցաւ։

⁶⁴Իսրայէլին որդիները այս քաղաքները իրենց արուարձաններովը Ղեւտացիներուն տուին։

⁶⁵Յուդային որդիներուն ցեղէն ու Շմաւոնին որդիներուն ցեղէն ու Բենիամինին որդիներուն ցեղէն վիճակով՝ այս անունով յիշուած քաղաքները տուին։

⁶⁶Կահաթին որդիներուն մնացած տոհմերուն կալուածներու քաղաքները Եփրեմի ցեղէն էին։

⁶⁷Անոնց Եփրեմի լերանը վրայ Սիւքէմը տուին, (որ ապաստանի քաղաքներէն էր) ու անոր արուարձանները եւ Գազերը իր արուարձաններովը

⁶⁸Ու Յեկմամը իր արուարձաններովը եւ Բեթորոնը իր արուարձաններովը

⁶⁹Ու Այեղոնը իր արուարձաններովը եւ Գեթրեմօնը իր արուարձաններովը

⁷⁰Ու Մանասէին կէս ցեղէն Անէրը իր արուարձաններովը եւ Յեբղաամը իր արուարձաններովը Կահաթի որդիներուն մնացած տոհմին տուին ։

⁷¹Գերսոնի որդիներուն Մանասէին կէս ցեղին տոհմէն Բասանի մէջ Գովղանը իր արուարձաններովը ու Աստարովթը իր արուարձաններովը

⁷²Եւ Իսաքարի ցեղէն Կադէսը իր արուարձաններովը, Դաբարաթը իր արուարձաններովը

⁷³Ու Ռամովթը իր արուարձաններովը եւ Անամը իր արուարձաններովը

⁷⁴Ու Ասերի ցեղէն Մասաղը իր արուարձաններովը եւ Աբդօնը իր արուարձաններովը

⁷⁵Ու Հուկոկը իր արուարձաններովը եւ Րոոբը իր արուարձաններովը

⁷⁶Ու Նեփթաղիմին ցեղէն Գալիլիայի մէջ Կադէսը իր արուարձաններովը եւ Համմօնը իր արուարձաններովը ու Կարիաթեմը իր արուարձաններովը տուին ։

⁷⁷Մնացածներուն, այսինքն Մերարիին որդիներուն, Զաբուղոնին ցեղէն Ռեմօնը իր արուարձաններովը, Թաբօրը իր արուարձաններովը,

⁷⁸Ու Երիքովի անդիի կողմը, Յորդանանի արեւելեան կողմը, Ռուբէնին ցեղէն անապատին մէջ Բոսորը իր արուարձաններովը ու Յասսան իր արուարձաններովը

⁷⁹Եւ Կադէմօթը իր արուարձաններովը ու Մեփայաթը իր արուարձաններովը

⁸⁰Եւ Գադին ցեղէն Գաղաադի մէջ Ռամովթը իր արուարձաններովը ու Մանայիմը իր արուարձաններովը

⁸¹Ու Եսեբոնը իր արուարձաններովը եւ Յազերը իր արուարձաններովը տուին ։