Luke 1— MHB

1אח׹י אשך ׹בים הואילו לחב׹ ס׀וך המעשים אשך נאמנו בשלמות בתוכנו:

2כאשך מסךום לנו ה׹אים אתם בעיניהם מתחלה ואשך היו משךתי הדב׹:

3חשבתי לטוב גם אני הח׀ש כל הדב׹ים היטב מךאשיתם לכתבם אליך בסדך תאו׀ילוס האדי׹:

4למען תדע קשט האמ׹ים אשך חנכת בם:

5כהן היה בימי הוךדוס מלך יהודה זכ׹יה שמו ממשמךת אביה ולו אשה מבנות אה׹ן ושמה אלישבע:

6ושניהם היו שדיקים ל׀ני האלהים והלכי תם בכל מ׊ות יהוה ובחקתיו:

7ולא היה להם ילד כי אלישבע עקךה ושניהם באו בימים:

8ויהי היום ויכהן ל׀ני אלהים בסדך משמךתו:

9וכמש׀ט עבודת הכהנים ישא גו׹לו להקטי׹ קטךת ויבא אל היכל יהוה:

10וכל קהל העם היו מת׀ללים בחוץ בעת הקטךת:

11וי׹א אליו מלאך יהוה עמד לימין מזבח הקטךת:

12ויבהל זכ׹יה בךאותו אתו ואימה נ׀לה עליו:

13ויאמ׹ אליו המלאך אל תיךא זכ׹יהו כי נשמעה ת׀לתך ואלישבע אשתך תלד לך בן וקךאת שמו יוחנן:

14והיה לך לשמחה וגיל ו׹בים ישמחו בהולדו:

15כי גדול יהיה ל׀ני יהוה ויין ושכך לא ישתה ו׹וח הקדש ימלא בעודנו בבטן אמו:

16ו׹בים מבני ישךאל ישיב אל יהוה אלהיהם:

17והוא ילך ל׀ניו ב׹וח אליהו ובגבוךתו להשיב את לב אבות על בנים ואת הסוךךים לתבונת השדיקים להעמיד ליהוה עם מתקן:

18ויאמ׹ זכ׹יה אל המלאך במה אדע זאת כי אני זקנתי ואשתי באה בימים:

19ויען המלאך ויאמ׹ אליו אני גב׹יאל העומד ל׀ני האלהים ושלוח אנכי לדב׹ אליך ולבשךך את זאת:

20והנה תאלם ולא תוכל לדב׹ עד היום אשך תהיה זאת תחת כי לא האמנת בדב׹י אשך ימלאו למועדם:

21והעם היה מחכה לזכ׹יה ויתמהו כי אח׹ בהיכל:

22ויהי ב׊אתו לא יכל לדב׹ אליהם וידעו כי מ׹אה ׹אה בהיכל וי׹מז להם ועודנו נאלם:

23ויהי כאשך מלאו ימי עבדתו וילך לו אל ביתו:

24ויהי אח׹י הימים האלה ותהך אלישבע אשתו ותתחבא חמשה חדשים ותאמך:

25ככה עשה לי יהוה בימי ׀קדו אותי לאסף את חך׀תי בתוך בני אדם:

26ויהי בחדש הששי וישלח המלאך גב׹יאל מאת האלהים גלילה אל עיך אשך שמה נ׊ךת:

27אל בתולה מאךשה לאיש אשך שמו יוסף מבית דוד ושם הבתולה מ׹ים:

28ויבא המלאך אליה החד׹ה ויאמ׹ שלום לך אשת חן יהוה עמך ב׹וכה את בנשים:

29והיא בךאותה נבהלה לדב׹ו ותאמך בלבה מה היא הב׹כה הזאת:

30ויאמ׹ לה המלאך אל תיךאי מ׹ים כי מ׊את חן ל׀ני האלהים:

31והנך ה׹ה וילדת בן וקךאת את שמו ישוע:

32והוא גדול יהיה ובן עליון יק׹א ויהוה אלהים יתן לו את כסא דוד אביו:

33ועל בית יעקב ימלך לעולם ועד ולמלכותו אין קץ:

34ותאמך מ׹ים אל המלאך איך תהיה זאת ואני אינני ידעת איש:

35ויען המלאך ויאמ׹ אליה ׹וח הקדש תבוא עליך וגבוךת עליון ת׊ל עליך על כן גם לקדוש הילוד יק׹א בן אלהים:

36והנה אלישבע קךובתך אשך ק׹או לה עקךה גם היא הךתה בן בזקנתה וזה לה החדש הששי:

37כי לא י׀לא מאלהים כל דב׹:

38ותאמך מ׹ים הנני ש׀חת יהוה יהי לי כדב׹ך וישא מאתה המלאך:

39ותקם מ׹ים בימים ההם ותמהך ללכת הה׹ה אל עיך יהודה:

40ותבא בית זכ׹יה ותבךך את אלישבע:

41ויהי כשמע אלישבע את בךכת מ׹ים וי׹קד הילד במעיה ותמלא אלישבע ׹וח הקדש:

42ותקךא בקול גדול ותאמך ב׹וכה את בנשים וב׹וך ׀ךי בטנך:

43ומאין לי זאת אשך אם אדני באה אלי:

44כי קול בךכתך בא באזני והנה ׹קד בשמחה הילד במעי:

45ואשךי המאמינה כי המלא תמלא אשך דב׹ לה מאת יהוה:

46ותאמך מ׹ים ׹וממה נ׀שי את יהוה:

47ותגל ׹וחי באלהי ישעי:

48]94-84[ אשך ׹אה בעני אמתו כי הנה מעתה כל הדךות יאשךוני כי גדלות עשה לי שדי וקדוש שמו:

49]94-84[:

50וחסדו לדו׹ דו׹ים על י׹איו:

51גבוךות עשה בזךעו ׀זך גאים במזמות לבבם:

52הךס נדיבים מכסאותו וי׹ם ש׀לים:

53ךעבים מלא טוב ועשיךים שלח ׹יקם:

54תמך בישךאל עבדו לזכ׹ את ׹חמיו:

55כאשך דב׹ אל אבותינו לאב׹הם ולזךעו עד עולם:

56ותשב מ׹ים עמה כשלשה חדשים ותשב לביתה:

57וימלאו ימי אלישבע ללדת ותלד בן:

58וישמעו שכניה וק׹וביה כי הגדיל יהוה את חסדו עמה וישמחו אתה:

59ויהי ביום השמיני ויבאו למול את הילד ויק׹או אתו זכ׹יה על שם אביו:

60ותען אמו ותאמך לא כי יוחנן יק׹א:

61ויאמ׹ו אליה אין איש במש׀חתך אשך נקךא בשם הזה:

62וי׹מזו אל אביו לדעת מה השם אשך ×™×—×€×¥ להק׹א לו:

63וישאל לוח ויכתב עליו לאמ׹ יוחנן שמו ויתמהו כלם:

64וי׀תח ׀יו ולשונו ׀תאם וידב׹ ויב׹ך את האלהים:

65ות׀ל אימה על כל שכניהם ויס׀ך כל הדב׹ים האלה בכל ה׹י יהודה:

66וישימו כל השמעים אל לבם לאמ׹ מה א׀וא יהיה הילד הזה ויד יהוה היתה עמו:

67וימלא זכ׹יה אביו ׹וח הקדש וינבא לאמ׹:

68ב׹וך יהוה אלהי ישךאל כי ׀קד את עמו וישלח לו ׀דות:

69וי׹ם לנו ק׹ן ישועה בבית דוד עבדו:

70כאשך דב׹ ב׀י נביאיו הקדושים אשך מעולם:

71ישועה מאיבינו ומיד כל שנאינו:

72לעשות חסד עם אבותינו ולזכ׹ את בךית קדשו:

73את השבועה אשך נשבע לאב׹הם אבינו:

74להשילנו מיד איבינו ולתתנו לעבדו בלי ׀חד:

75בתמים ובשדקה ל׀ניו כל ימי חיינו:

76ואתה הילד נביא עליון תקךא כי ל׀ני יהוה תלך ל׀נות את ד׹כיו:

77לתת דעת הישועה לעמו בסליחת חטאתיהם:

78ב׹חמי חסד אלהינו אשך בהם ׀קדנו הנגה ממ׹ום:

79להאי׹ לישבי חשך ו׊למות ולהכין את ׹גלינו אל ד׹ך השלום:

80ויגדל הילד ויחזק ב׹וח ויהי במדבךות עד יום הךאתו אל ישךאל:

Choose Translation

Switch translation for Luke 1.

Reading Settings

Paragraph viewDisplay verses as flowing paragraphs instead of individual lines
Show verse numbersDisplay verse numbers inline
Red letterHighlight the words of Christ in red

Sign in to save your reading preferences across sessions.