Bible

1 Госпад заваладарыў! Адзеўся Ён у аздобу; адзеўся Госпад, моцаю падперазаўся, бо ўмацаваў Ён сусвет, які не пахіснецца. 2 Умацаваны пасад Твой з таго часу, спакон вякоў — Ты. 3 Уздымаюцца рэкі, Госпадзе, уверх, падымаюць рэкі голас свой, падымаюцца рэкі з шумам уверх. 4 Па-над галасамі многіх водаў, па-над магутнымі наваламі марскімі, магутны на вышынях Госпад. 5 Сведчанні Твае вельмі годныя веры, дому Твайму, Госпадзе, належыць святасць у векі вечныя.