Psalms 136— AFR53

¹Loof die HERE, want Hy is goed, want sy goedertierenheid is tot in ewigheid.

²Loof die God van die gode, want sy goedertierenheid is tot in ewigheid.

³Loof die Here der here, want sy goedertierenheid is tot in ewigheid --

⁴Hy wat alleen groot wonders doen, want sy goedertierenheid is tot in ewigheid.

⁵Wat die hemele met verstand gemaak het, want sy goedertierenheid is tot in ewigheid.

⁶Wat die aarde op die water uitgespan het, want sy goedertierenheid is tot in ewigheid.

⁷Wat die groot ligte gemaak het, want sy goedertierenheid is tot in ewigheid.

⁸Die son om te heers oor die dag, want sy goedertierenheid is tot in ewigheid.

⁹Die maan en sterre om te heers oor die nag, want sy goedertierenheid is tot in ewigheid.

¹⁰Wat die Egiptenaars getref het in hulle eersgeborenes, want sy goedertierenheid is tot in ewigheid.

¹¹En Israel onder hulle uitgelei het, want sy goedertierenheid is tot in ewigheid.

¹²Met 'n sterk hand en met 'n uitgestrekte arm, want sy goedertierenheid is tot in ewigheid.

¹³Wat die Skelfsee in stukke gesny het, want sy goedertierenheid is tot in ewigheid.

¹⁴En Israel daar dwarsdeur laat gaan het, want sy goedertierenheid is tot in ewigheid.

¹⁵En Farao saam met sy leër in die Skelfsee gestort het, want sy goedertierenheid is tot in ewigheid.

¹⁶Wat sy volk deur die woestyn gelei het, want sy goedertierenheid is tot in ewigheid.

¹⁷Wat groot konings verslaan het, want sy goedertierenheid is tot in ewigheid.

¹⁸En geweldige konings gedood het, want sy goedertierenheid is tot in ewigheid.

¹⁹Sihon, die koning van die Amoriete, want sy goedertierenheid is tot in ewigheid.

²⁰En Og, die koning van Basan, want sy goedertierenheid is tot in ewigheid.

²¹En hulle land as erfdeel gegee het, want sy goedertierenheid is tot in ewigheid.

²²As erfdeel aan Israel, sy kneg, want sy goedertierenheid is tot in ewigheid.

²³Wat in ons vernedering aan ons gedink het, want sy goedertierenheid is tot in ewigheid.

²⁴En ons van ons teëstanders losgeruk het, want sy goedertierenheid is tot in ewigheid.

²⁵Wat voedsel gee aan alle vlees, want sy goedertierenheid is tot in ewigheid.

²⁶Loof die God van die hemel, want sy goedertierenheid is tot in ewigheid.